باختصار هاتف ايفون 6

iPhone 6

• 
• 
• 
• 
• 
• 
• 
• 

1. 1
2. 2
3. 3
4. 4
5. 5
6. 6

 المميزات: ذاكرة داخلية متنوعة تصل ل 128 جيجابايت, معالج A8 

العيوب: بطارية تعمل 10 ساعات فقط على ال 3G سعره غالي مقارنة بامكانياته والهواتف الأخرى 

الخلاصة:هاتف ايفون الجديد من أبل مافيهوش جديد كتير فقط بعض التحسينات من حيث الشكل والتصميم , بالنسنبة للأداء يعتبر جيد لكن في هواتف أحسن سعر الهاتف يبدأ من 700 يورو ومتوقع سعره في مصر يعدي 6500 جنيه , مقارنة بامكانياته يعتبر سعره مش مناسب

---

 امبارح كان الاطلاق الرسمي للايفون 6 بمدينة كبرتينو في كاليفورنيا .شركة أبل استجابت لكل مستخدميها وعملت تليفون الأيفون6بلس بحجم اكبر من المعتاد .التلفونين مشابهين لبعض جدا في الشكل والمواصفات والخصائص مع فروق طفيفة. تعالوا نشوف الايفون 6 المنتظر بكل مواصفاته وامكانياته الجديدة وأحكموا إذا كان يستحق البروباجندا ولا لأ.

 التصميم

تصميم الأيفون 6 هو يختلف عن الأيفون5s السابق ان جوانبه مقوسة , وحجمه كبر ليصبح 138.1 x 67 مم بسمك 6.9 مم ووزنه 129 جم فقط . الهاتف مصنوع من الألومنيوم و شاشته محمية بزجاج مقاوم للكسر مضاد للزيوت . الهاتف في منه ألوان فضي ,ورمادي ودهبي .

الأداء

أبل اضافت معالج جديد للايفون 6 وهو ال M8 مع شريحة A8 اللي بتعمل على نظام 64bit واللي يعتبر هيقدم أداء وسرعة افضل وبالذات في الجرافيكس والصور و عرض الفيديوهات . الذاكرة الداخلية للهاتف بيقال إنها هتكون متنوعة النسخ , في نسخة 16 جيجابايت ونسخة 64 جيجابايت ونسخة اخرى 128 جيجابايت مع 1 جيجابايت رام لكن لا يوجد امكانية اضافة كارت ذاكرة

.لو هنتكلم على البطارية فقال مسئولين أبل أثناء العرض إنها ممكن تشتغل لغاية 10 ساعات على 3G بس مقالوش قوتها بالظبط هي كام بس الحسابات بتوقع إنها ممكن تكون1800 ملي أمبير.الهاتف بيعمل على نظام iOS 8 ويعتبر أولايفون فيه امكانية الNFC . طبعا بالاضافة لخاصية ال TouchID اللي بتمكنك من فتح الهاتف والقيام بعمليات الشراء من على أي-تيونز و أبستور فقط ببصمتك

الشاشة

شاشة الأيفون 6 ريتينا عالية الجودة HD بـإضاءة خلفية LED حجمها4.7 بوصة بدقة 1334x750 بيكسل بمعدل 326 بيكسل في البوصة. لكن على عكس كل التوقعات الشاشة مش محمبية بزجاج السابفاير كما كان متوقع لكن محمية بزجاج مقاوم للزيت

الكاميرا

كاميرا أي –سايت في الأيفون 6 حجمها 8 ميجابيكسل فيها امكانيات زي التركيز الذاتي Auto focus, تصوير بانوراما , تحديد الوجه , وعدسة الكاميرا نفسها محمية بزجاج السابفايار لكن اللي ممكن يعتبر من عيوبها إنها مش مزودة بمثبت بصري OIS. الكاميرا الأمامية هي 1.2 ميجابيكسل واللي تعتبر ضعيفة مقارنة بكاميرات الهواتف الجديدة زي ال نوت 4 واللوميا 830 وكمان ال HTC دزاير 820 . لكن فيها تحسينات في ال HDR و الإضاءة . الهاتف بيصور مقاطع فيديو عالية الجودة بدقة تصل ل 1080p .

الخلاصة

هاتف ايفون الجديد من أبل مافيهوش جديد كتير فقط بعض التحسينات من حيث الشكل والتصميم , بالنسنبة للأداء يعتبر جيد لكن في هواتف أحسن سعر الهاتف يبدأ من 700 يورو ومتوقع سعره في مصر يعدي 6500 جنيه , مقارنة بامكانياته يعتبر سعره مش مناسب

متنسوش تعملوا ليك لصفحتنا علي الفيس بوك

شاركه على جوجل بلس

عن علوم بالعربي